Српскиот вирусолог и микробиолог д-р Миланко Шеклер смета дека вакцината против корона вирусот би требало да се плаќа и тогаш, како што изјави, сите би се „тркале“ да ја добијат бесплатно“.

Во гостување на ТВ Прва, д-р Шеклер истакна дека се залага за вакцината да се плаќа, но не да биде задолжителна.

Коментирајќи ја задолжителната вакцинација, Шеклер рече дека не ја поддржува таа опција.

- Јас сум против вакцинацијата да биде задолжителна, реков дека не треба да биде бесплатна. Бесплатна треба да биде само за оние кои треба да имаат посебни привилегии, војската, милицијата, здравството, образованието...нека биде бесплатно за нив, изјави српскиот вирусолог.

Што се однесува пак до одредени рестрикции за невакцинираните, тој вели:

-Во Грција и Франција, невакцинираните луѓе можат да влезат секаде, но мора да имаат резултат од тест. На никој не му е ускратено правото да влегува во ресторан, но мора да го има едното или другото. Нека избираат што најмногу им одговара. Никој никогаш не треба да брза да го вакцинира, рече познатиот српски лекар.