Снимателка од унгарската телевизија Н1ТВ е отпуштена денес поради снимката на која се гледа како ги шутира бегалците, вклучувајќи и деца, додека тие бегаат од полицијата во приватниот центар Реска, на југот од земјата.

-Една колешка од Н1ТВ денес се однесуваше на неприфатлив начин во приватниот центар Реска - соопштил на Фејсбук главниот уредник на таа телевизија Саболч Кисберк, додавајќи дека нејзиниот договор за вработување од денеска е поништен и дека Н1ТВ оваа работа ја смета за завршена.

На снимките може да се види како Петра Ласло сопка човек во трка, кој во рацете носи дете, а потоа во друг инцидент шутира и едно дете како бега.

Снимки од инцидентите се појавија и на Интернет телевизискиот канал Н1ТВ.

Снимените инциденти се случиле кога стотина бегалци го пробиле кордонот на полицајци во приватниот центар Реска, близу до границата со Србија.

Погледнете ги снимките:

 На Фејсбук е покренат и „Сид на срамот“ во кој корисниците се повикуваат да ги осудиуваат ваквите испади против бегалците.