ВИДЕО: Западна Грција под вода - поплавени повеќе општини
Стотици домови и улици денеска се поплавени во Месолонги, Превеза, Нафпактос, Патра и во други делови на западна Грција поради обилните дождови.
Градоначалникот на Месологи, Никос Карапанос бара да се прогласи вонредна состојба во општината. Земјоделските насади се уништени во оваа општина, а настрадаа и домовите.
Грчкиот главен град Атина не беше поштеден, а пожарната доби повеќе од 100 повици во рок од само неколку часа за да се испумпува водата од подруми и продавници, и да се тргнат гранки, кои беа скршени од силни ветрови.
Националната метеоролошка служба предвиде невреме во повеќето делови на земјата следната недела.
Слично
Поврзани вести
