(ВИДЕО) Вучиќ на руски јазик му се пожали на Путин дека Србија трпи притисоци
Српскиот претседател Александар Вучиќ денеска се сретна со рускиот колега Владимир Путин во Пекинг и изјави дека Србија е во „тешка ситуација да се справи со притисоците“ од почетокот на украинската криза, но дека успеала да одржи принципиелен став во однос на Русија.
Путин вели дека ќе се обидат заедно да ја подобрат економската соработка меѓу Русија и Србија.
„Се надеваме дека до крајот на оваа година ќе има седница на економската унија во Белград и дека ќе можеме подетално да разговараме за економската соработка во однос на насоката што ја презема Република Србија. Мило ми е што денес можеме да разговараме и за регионални прашања и што можеме да се сретнеме и да се видиме лично“, рече Путин.
Вучиќ му се заблагодари на Путин на руски за топлиот прием што го доби за време на неговата посета на Москва на 9 мај.
„Соработката на највисоко ниво со Русија во сите области е многу важна за Србија и се надевам дека ќе имаме можност да подобриме некои аспекти на соработката. Енергетиката е многу важна област, особено набавката на гас“, рече Вучиќ на руски.
Тој додаде дека сите руски компании се добредојдени во Србија кои „би сакале да учествуваат во инфраструктурни проекти, вклучувајќи ги РЖД, Росатом и многу други“.фото Фејсбук/Александар Вучиќ
Vucic spoke in Russian during his meeting with Putin in Beijing.
— Admirim (@admirim) September 2, 2025
He boasted that Serbia is "the only country in Europe that hasn’t imposed any sanctions on the Russian Federation."
Ahead of his previous meeting with Putin, the EU had stated that it "will not be taken lightly."… pic.twitter.com/0a8fx99jO5
Слично
Поврзани вести
