Со импровизирано гласачко ливче, Турчин ја запроси девојката пред гласачко место во Анкара. 

На гласачко место во главниот град Анкара забележана е несекојдневна понуда за брак, известува турската новинска агенција „Анадолија“. Мехмет Емин Озбеј пред гласачкото место во локалното училиште ја побара за жена Гизем Есин, така што ѝ подаде импровизирано гласачко ливче со заедничка фотографија и ја праша дали го прифаќа предлогот за брак.

Девојката видно изненадена, но и пресреќна, го стави печатот со знакот „ДА“ на ливчето со заедничка фотографија и потоа го „спушти“ во „гласачката кутија“.

Девојката во изјавата за новинарите рече дека е изненадена и дека не очекувала ваква понуда за брак. На изборите во неделата победи Реџеп Таип Ердоган.