Најмалку 20 000 луѓе се собраа на протестот против како што пренесуваат црногорски медиуми диктаторскиот режим. Илјади и илјади граѓани и понатаму пристигаат во центарот на Подгорица од сите страни на Црна Гора.

Граѓани од сите краеви на ЦГ стигнале во главниот град Подгорица каде во 19 часот почнал протест против режимот на Мило Ѓукановиќ на кој ќе биде побарано негово заминување, формирање на преодна влада и распишување на фер избори.

Андрија Мандиќ ја замолил полицијата да го ослободи патот кон Собранието. Полицајците се повлекуваат, пратеници влегуваат во Собранието на Црна Гора.

Во овој момент опозицијата се обидува да влезе во Парламентот на Црна Гора, пратена со повици од демонстрантите: „Готов е“ и „Мило, крадецу“, но кордонот на полицијата во тоа ги спречува. Организаторите ги молат граѓаните да останат мирни.

Имало и провокации. Непознати лица во масата фрлиле петарди и димни бомби, поради што полицијата морала да стави гас маски.

Од друга страна, организаторите на протестот тврдат дека немало инциденти, и дека полицијата со ништо не била испровоцирана да стави заштитни маски.

Насобраните предводени од Небојша Медојевиќ, се свртеле кон полицијата и заедно запеале: „Придружете му се на народот и фрлете ги шлемовите“.

Претседателот на Работничката партија Јанко Вучиниќ: „Диктаторот мора да падне. Готов е. Диктатору, врати се што си земал од народот и ќе бидеш среќен во Спужа.