Грчкиот премиер Алексис Ципрас изрази денес бескрајно жалење за новата трагедија на мигранти во Егејското море, истакнувајќи дека западните земји кои учествуваат во воените интервенции на Блискиот исток ја носат одговорноста за масовниот прилив на мигранти.

Ципрас, говороејќи во парламентот, ја обвини Европската унија дека не е способна ефикасно да ја реши хуманитарната криза и дека смртта на мигрантите ја срамоти Европа.

Тој додал дека Егејското море исфрла на бреговите „не само мртви деца, туку и самата европска цивилизација“.

„Се срамам поради европската неспособност ефикасно да се бори со оваа драма“, рекол Ципрас и истакнал дека солзите кои денес се леат се лицемерие.