Куче од расата пит бул влегло во ходникот на Универзитетскиот клинички центар „Крагуевац“ и се упатило кон делот каде се хоспитализирани пациентите.

Цело време на видеото снимено од вработените во болницата се гледа како ги мириса трагите, а било и вознемирено.

- Претходно помина млад човек кој тешко се движеше и отиде во болница. Претпоставуваме дека е негово куче - велат соговорниците за Телеграф.рс.

Обезбедувањето морало да го отстрани од просториите, па заминало без никаква агресија.

Интересно е и како кучето влегло во просториите на Клиничкиот центар. Чекал малку во дворот и кога „буквално“ сфатил дека вратите се отвораат на сензор, ја искористил својата прилика и влегол да го бара сопственикот.