(ВИДЕО) Танкер удри во палата во Истанбул
Танкер се заби во историска палата во Истанбул на брегот на Босфор денеска, откако откажала опремата за управување, јави Си-ен-ен Турк.
На местото на инцидентот се испратени реморкери и пловила на крајбрежната стража, а танкерот „Витаспирит“ кој плови под малтешко знаме е извлечен на брегот. Сообраќајот е прекинат во двете насоки.
Нема податоци за жртви, но снимките од местото на незгодата покажуваат голема штета на историската палата под мостот на султанот Фатих Мехмет, еден од трите премини меѓу европската и азиската страна. Палатата на Салих ефенди потекнува од 18 век и се користи за венчавки и концерти.
Слично
Поврзани вести
