Страшна сообраќајка незгода се случила попладнево на патот Гостивар – Кичево во близина на Здуњски мост во која животот го загуби 56 годишен Гостиварчанец.

Информациите на МВР велат дека се судирле камион со тетовски  регистарски таблици и  автомобил БМВ при што возачот на БМВ-то загинал на лице место додека возачот на камионот се здобил со телесни повреди и во моментов се наоѓа во гостиварската болница.

Камионот е во многу лоша положба после судирот и постои опасност да се преврти од мостот и да падне во провалија.

Надлежните работат на утврдување  на причините за незгодата, а на патот Гостивар-Кичево е проодна една лента додека возилата се пропуштаат наизменично.

Фото-видео: Глоби.мк