Српскиот министер за вонредни ситуации Велимир Илиќ заглави во жива кал при посетата на едно јаловиште во Костајник. При посетата на рудникот Столица, тој прв тргнал под долната брана која пукнала пролетоска за време на поплавите. По неколку чекори се нашол во голема неволја - најпрвин пробал сам да се извлече, но потоа започнал да тоне уште повеќе. На помош му пристигнало обезбедувањето и неколку локални жители, кои успеале да го извлечат „заглавениот“ министер. Неговите чизми сепак останале во калта, а чорапите едвај ги задржал на нозете. Но незгодата не го премислила и набрзо тргнал натаму. За десет минути пак бил во проблеми - започнал да се искачува нагоре по јаловината висока 30-тина метри, онаму каде што никој не оди. Некаде на средина заглавил и не можел да продолжи ни нагоре ни надолу. Повторно пристигнала помош, која го спасила министерот да не падне. http://www.youtube.com/watch?v=Y2xHvAFdV9s http://www.youtube.com/watch?v=sAaVDBD9Pag