Српската полиција го затвори парамилитарниот младински камп организиран од, како што јавија српските медиуми, руски и српски ветерански и патриотски групи на на Златибор.

Ова следи по реакции во јавноста. Власите велат дека на летниот камп на планината Златибор учествувале деца на возраст од 12 години и возрасни над 23 години. Вкупно 34 мажи и 12 жени присуствуваа на еднонеделниот „Младински патриотски камп Златибор 2018“. Присутните на кампот беа од Србија, Црна Гора, и БиХ. Владата соопшти дека кампот е затворен „поради можни злоупотреби на деца“ и дека учесниците се пратени дома. Потегот на здруженијата го критикуваше и српскиот претседател Александар Вучиќ, кој порача дека така не се создава иднина за Србија.

„Тоа што се случи на Златибор со нашите дечиња и тинејџери, би ги замолил родителите, и кога би го правеле не треба да се прави во униформи. Нас како земја тоа не ни треба и такви работи државата Србија нема да толерира“- рече Вучиќ.

Во кампот кој требало да биде отворен од 9 до 18 август, учествувале триесетина деца и младинци на возраст од 14 до 23 години, кои учеле основни техники на преживување во природа, вклучувајќи и како да се однесуваат во борба.

„Тие деца треба да учат, да работат за утре да бидат и добри војници, но се знае кога е време за војска, кога за училиште и кога за други работи“- кажа Вучиќ. 

Во тек се завршните фази на расклопувањето на тој камп така што тој повеќе не постои.