Невреме со силни ветрови предизвикува проблеми во Словенија втор ден по ред. Силниот ветер, соборувајќи дрвја и оштетувајќи покриви, предизвика голема штета во Горењска.

Околу 5.000 потрошувачи се без електрична енергија, објави Електро Марибор. Црвено временско предупредување е издадено за северот на земјата до вечерва, а портокалово временско предупредување за јужниот дел. Поради ова, отстранувањето на дефектите се одвива побавно, јавува агенцијата СТА.

„Од четврток, Управата за цивилна заштита и спасување на Република Словенија регистрираше повеќе од 800 интервенции во кои учествуваа околу 270 противпожарни бригади и други единици, а бројот на повици за помош надмина 3.000, што е приближно шест до седум пати повеќе од вообичаениот број повици за 24 часа“, изјави Леон Бехин, раководител на управата.

Ветерот ги откри покривите на околу 300 станбени и повеќе од 10 индустриски згради, додека училиштата и градинките во Горењски и Згорње Посочје се затворени. 

Мерните станици на Арса регистрираа налети на ветер од 100 до 150 километри на час во планинските региони и од 80 до 100 километри на час во пониските региони. Силните ветрови го нарушуваат и воздушниот сообраќај, па затоа многу летови се пренасочени или откажани.

Невреме ја зафати и Хрватска, каде има повредени.

Околу 50.000 домаќинства во Босна и Херцеговина(БиХ) се без струја поради снежното невреме.