Во Босна и Херцеговина е прогласена вонредна состојба поради 24-часовни врнежи на снег.

Силен снег го парализира Балканот. Засегната од зимската бура е дури и Италија, каде што брзината на ветерот на места стигнува до 150 километри на час. Во Босна и Херцеговина е прогласена вонредна состојба поради 24-часовните снежни врнежи. На некои места веќе има акумулирано над еден метар. Патиштата се затворени, а полицијата ги повика луѓето да не излегуваат со своите автомобили.

Иако се мобилизирани огромен број на механизација за расчистување на снежните наноси, тие не успеваат да исчистат. Многу области се без струја повеќе часови. Се очекува лошото време да трае до сабота.