Некои демонстранти во Србија велат дека лидерот на Српската радикална партија, Воислав Шешељ и неговото обезбедување со пцости и навреди се обиделе да ги прегазат со автомобил.

Автомобилот на Шешељ влетува меѓу демонстрантите додека обезбедувањето се обидува да ги оттурне од автомобилот. На самиот почеток на седумнаесеттиот ден од протестите против победата на Александар Вучиќ на претседателските избори во Србија, се случил инцидент кога автомобилот на лидерот на Српската радикална партија налета на група демоснтранти.

Синоќа Шешељ изјави дека граѓаните можат да демострираат пред Народното собрание „колку им душа сака“, но нема да дозволи „некој да го нападне него или неговите луѓе“.

Шешељ ја објаснува ситуацијата дека замолил стотина луѓе пред Собранието да се поместат за да може да помине со автомобилот, но тие одбиле да се тргнат, а некои од нив „биле многу бучни и го пцуеле“.

Na početku okupljanja, demonstranti pokušali da zaustave Šešeljev auto, njegovo obezbeđenje ih "uklonilo". #protest2017 #protivdiktature pic.twitter.com/8NcHVTPWzW

— VICE SERBIA (@viceserbia) April 19, 2017