Секој ден се поголема поддршка добива Стојанче Ангелов во намерата МРТВ да ги пушти снимките кои опозицијата ги објавува, бидејќи како што вели Националниот сервис треба објективно да ја информира јавноста за случувањата во земјата бидејќи граѓаните плаќаат за тоа.

И вечерва Ангелов излезе на протест пред МРТВ, и порача дека ќе продолжи да се бори се додека режимот не падне на колена.

Тој денеска оствари средба со главниот уредник на информативната програма на националниот сервис Горан Петрески и според кажувањата на Ангелов уредникот му објаснил дека Јавното обвинителство наредило да не се објавуваат снимките, на што Ангелов упати порака до ЈО да излезе и да каже според кој закон го забранило неприкажувањето на снимките.