„Не се занимавам со нелегални работи. Работев во Швајцарија и имам месечна пензија од 5.000 швајцарски франци. Добив надомест од 300.000 франци од Швајцарија и со нив можам да градам куќи и да купувам автомобили секоја година“ - ова, преку порталот Шкипмедија, го тврди првоосомничениот во акцијата „Чекан“, Фадил Арслани кој во моментов е недостапен за надлежните органи и по кого полицијата се уште трага. Тој, во својата изјава, истакнал дека не е криминалец и дека се она што стекнал е чесно заработено во странство. Во полициската акција „Чекан“, што беше спроведена во средата, беа приведени 15 лица, а по четворица меѓу кои и Арслани се уште се трага. Меѓу осомничените кои се товарат за злосторничко здружување, лихварство, изнуда и фалсификување исправи се најдоа и адвокати и извршител од Скопје. Полицијата кај осомничените заплени луксузни автомобили, пари, а и вреден недвижен имот. Со каков имот располагале, погледнете од полициското видео: [embed]http://www.youtube.com/watch?v=CSg5SeBQ-lo[/embed]