Се реализираше првиот лет од најголемиот аеродром во светот, при што патниците летаа од Истанбул до Анкара. 

,,Гранд“ е аеродромот за кој се предвидува до 2028 да има капацитет од 200 милиони патници. Тој ќе му го одземе приматот на аеродромот Хартсфилд – Џексон во Атланта, САД. Овој аеродром лани имал капацитет од 104 милиони патници.

Вредноста на проектот е 11,6 милијарди долари. Аеродромот во Истанбул ќе биде пуштен во целосна употреба на 29 декември.

Од новиот аеродром дотогаш ќе полетуваат авиони само кон Анталија, Измир, Северен Кипар и Азербејџан. Во меѓувреме ќе биде во функција аеродромот ,,Ататурк”.

Кога ќе бидат завршени сите четири етапи, од аеродромот дневно ќе полетуваат и слетуваат 2 илјади авиони на 50 внатрешни и 250 надворешни линии, а ќе им бидат понудени услуги на 250 авиокомпании.

Аеродромот го пушти во употреба деновиве турскиот претседател, Реџеп Таип Ердоган.

Отворањето со совпадна со 95-годишнината од прогласувањето на турската Република.

Делови од аеродромот „Ататурк“, во иднина ќе биде пренаменет во јавен парк. Истанбул со новиот меѓународен аеродром ќе има вкупно три.