Шумски пожар има на вториот крак на Халкидики, поради што е наредена евакуација на сите што се во регионот на Вурвуру. 

Од бројот 112 за итни случаи беше испратена порака до сите што се во конкретната област да се евакуираат кон Никити, јави дописничката на МИА од Атина.

Во гаснењето учествуваат 65 пожарникари со два пешадиски тима, 20 возила, волонтери, како и осум авиони и еден хеликоптер, а помагаат и цистерни од општините.

Поради пожарот во прекин е сообраќајот на возила на патот Неа Мудања – Спарти од Ормос Панагиас до Вурвуру, а од полицијата ги повикаа возачите да бидат особено внимателни и да ги следат упатствата од полицајците.

Според информациите, пожарот зафатил густа шума. 

Градоначалникот на Ситонија, Јоанис Малинис за порталот Вориа посочи дека ситуацијата е малку подобра, дека интервенираат голем број противпожарни сили и процени дека наскоро ќе го ограничат пожарот.

NOW: A massive wildfire is burning out of control in Vourvourou, Chalkidiki, Greece. pic.twitter.com/3W6cmZhqgZ

— Weather Monitor (@WeatherMonitors) July 2, 2025

A forest fire broke out at noon in Vourvourou, Halkidiki, Greece. Authorities issued an emergency alert urging residents to evacuate toward Nikiti. The firefighting effort involves 65 firefighters, 2 hiking teams, 20 vehicles, volunteers, 8 aircraft, and 2 helicopters.

… pic.twitter.com/9L9b0wcUSA

— Volcaholic (@volcaholic1) July 2, 2025