Не запираат нередите на грчко-македонската граница.

И утрово инциденти предизвикани од економските мигранти кај кои нетрпеливоста и нервозата од час в час се повеќе расте.

Како што е познато, целата нервоза и проблеми ги предизвикуваат мигрантите кои не доаѓаат од воените жаришта туку оние од Пакистан, Алжир, Мароко, Иран не им дозволуваат на оние од Сирија Ирак и Авганистан да ја преминат грчката граница кон Македонија.

Властите и од двете страни, и од наша и од грчка испраќаат се повеќе полициски сили на границата каде станува се потензична состојбата.

Македонија веќе две недели не допушта на своја територија економски мигранти. На 28 ноември властите започнаа изградба на ограда на границата со Грција.