Студенти од Академија за сценски уметности во Сараево, од Пекинг, од Ваљанди во Естонија, Русија, Мумаранск -Русија, Мериленд - САД, Ахен - Германија , Флорида -САД, Талин -Естонија се само дел од оние кои им испратија поддршка на македонските студенти.

Поддршката секојдневно расте и доаѓа ширум светот, што е показател колку Македонија е следена од светот како земја во која во сред зима се разбуди студентската пролет.

„Студенти од Македонија со вас сме“, „Го поддржувам студентскиот пленум“, „Поздрав пленумци“ - се пораките кои странските студенти им ги испратија на Студентскиот пленум.

Да потсетиме дека Студентскиот марш за во петок го најави третиот по ред протест против Новите законски измени и воведувањето на државниот испит.

Во видеото погледнете што им порачаа странските студенти на нашите!