Работниците во фирмата „Тузла Кварц“, кои 13 дена штрајкуваат, од очај во кругот на фабриката си ископале гробови, а за утре најавуваат дека ќе се заклучат во просториите на фабриката и никој нема да пуштаат таму.

Нивната здравствена состојба е сериозно нарушена. Итна помош интервенира но штрјакувачите одбиваат да влезат во УКЦ Тузла бидејќи немаат пари за да ги платат здравствените услуги.

„Жалосен а во исто време и срамен е фактот, дека за сите овие денови колку се во штрајк работниците на „Тузла Кварц“ не ги посетил никој од челниците на Градот Тузла, ниту од претставниците на законодавната и извршна власт, па работницте со право се прашуваат, чии се тие всушност граѓани?“ се наведува во соопштението на Синдикатот за солидарност.

Владата на Тузланскиот кантон, како што се наведува им ги одзела концесиите за експлоатација бидејќи против фирмата е покренато обвинение за кражба на песок и поради тоа се одлучиле на штрајк со глад. Работниците и управата тврдат дека проблемите настанале бидејќи го пријавиле поранешниот помошник на ресорното министерство Бахри Имамовиќ за мито и корупција кој е уапсен и против кој се води судска постапка. Работниците го повикале обвинителството да ја работи својата работа, а на нив да им се овозможи  да ја работат својата.