Невремето кое во текот на изминатата ноќ удари со сета своја сила предизвика застрашувачка претстава на небото бидејќи за неколку часа над Словенија биле забележани 20.000 громови, што според експертите е вистинска реткост за оваа годишна доба, пренесуваат словенските медиуми.

На Електротехничкиот институт „Milan Vidmar“ и синоќа будно ги следеле случувањата на небото. Невремето кое донесе огромни количини на дожд и поплави се карактеризираше со голем број громови.

„На територијата на Словенија за 10 часа се забележани приближно 20.000 громови. Таква активност некогаш бележиме во текот на летните месеци, но за оваа годишна доба ова е вистинска реткост“, велат експертите од овој институт.

Само во главниот град се поплавени 900 објекти после обилните дождови и надојдените реки во целата држава.

Погледнете како изгледаше поплавената Словенија.