Демонстрации има во Атина поради железничната несреќа која однесе во смрт најмалку 42 луѓе. 

Причина за револтот е што Владата ја приватизираше железничката компанија „Хеленик Трејн“ која сега оперира со патнички и товарни возови. Полицијата со солзавец се обиде да ги спречи луѓето на улиците.

Грчкиот премиер Киријакос Мицотакис вечерва изјави дека сè укажува дека човечка грешка е причина за несреќата. Формирана е комисија која ќе го истражи случајот.  Министерот за транспорт и инфраструктура Константинос Караманлис, преземајќи објективна политичка одговорност, веднаш поднесе оставка.

На 7 февруари, грчкиот синдикат на железничари укажал на бројни проблеми во грчките железници. Во писмото стои дека „додека не се преземат заштитни мерки на работните места и безбедно функционирање и сообраќај на возовите, нема крај на несреќите“.

The Greek people are on the streets for the massacre on the Athens-Thessaloniki Railway last night. #Τεμπη #Τεμπη_Τραγωδια #Λαρισα #τρενα #τραυματιες #Antireport #Greece #greecetrain pic.twitter.com/mCUFftMwa3

— Partizan Yunanistan (@partizanGreece1) March 1, 2023

Свртничарот признал вина за несреќата. Тој погрешно го насочил возот и може да добие од 10 години до доживотен затвор.