За време на четвртиот ден од посетата на Кина, претседателот на Србија, Александар Вучиќ, ја започна својата обиколка на градот Џасинг со посета на иновативниот центар на компанијата „Mint Future Factory“. Покрај делегацијата домаќин, Вучиќ беше пречекан и од роботи кои го поздравија на српски јазик, а потоа го одиграа орото „Моравац“.

„Во импресивниот иновативен центар на компанијата Минт, видовме како интелигенцијата ја гради иднината, а радоста го движи светот. Ни претставија сè, од склопување роботи до нивната неверојатна примена во секојдневниот живот, индустријата и забавата. Кога ги видов роботите како ја играат Моравац, сфатив дека технологијата повеќе не е само прашање на наука и машини, туку и на разбирање на традициите и духот на еден народ. Признавам, тие играат подобро од мене, што не е мал подвиг, но за прв пат успеав да најдам некој што може да ми се спореди во упорноста во работата. Тие не бараат пауза, не се жалат на работното време и не бараат слободен викенд“, рече Вучиќ.