Најмалку 11 лица загинаа во поплавите што го зафатија бугарскиот град Варна и неговата околина. За само 20-тина минути акумулираните води од ридовите и поројните дождови го поплавија овој пристанишен град, а водите носеа се пред себе. http://www.youtube.com/watch?v=o5Kqnaf34eA Бугарија прогласи ден на жалост за в понеделник. Неколку стотици луѓе се евакуирани, а десетици илјади и натаму се без електрична енергија. Освен тоа, во поплавените области, водата не е за пиење, предупредуваат надлежните. Најпогодена е населбата Аспарухово. „Ситуацијата и натаму е тешка, имаме жртви од кои две се деца“, изјави министерот за внатрешни работи Цветлин Јовчев. Дождот ќе продолжи и викендов, а реката Јантра веќе го достигна критичното ниво од осум метри. http://www.youtube.com/watch?v=U90BilG5jqk