Мистериозна е смрттта на турската  златарка, претставничка и сопственичка на царството на скапоцен накит „Tiffany“ во Турција, Дилек Ертек.

Таа загинала на чуден начин, кон крајот на октомври на крстарење.  Загинала на 26-ти октомври на скапо и егзотично крстарење кога паднала од крузер на Тахити. За нејзината смрт пишува и еден од најтиражните таблоиди „Daily Mail“.

Форензичарите биле збунети затоа што не им е јасно како толку ситна жена од само 157 центиметри успеала да падне преку ограда висока еден метар.

Во меѓувреме, потрагата по неа е сопрена затоа што е неверојатно нејзиното тело да се пронајде после толку време.

Безбедносните камери наводно забележале како „една фигура“ паѓа во морето.

Турскиот весник „Daily Sabah“ пишува дека нејзиното семејство барало од полицијата да го истражи и нејзиниот љубовник од Швајцарија.