Студеното време денеска не ги затвори студентите дома, туку ги охрабри  и денеска масовно и мирно по трет пат кажаа „НЕ„ за новите законски измени во високото образование.

Поддржани од голем број професори и граѓани уште една и порачаа на Владата да се откаже од оваа реформа.

„Ние не сме насилници. На наша страна се аргументите и Уставот. Ние сакаме реформи но не вакви и не на ваков начин“, порача од Студентскиот пленум.

Пофесорите едногласни ги поддржаа студентите во протестот велејќи дека порано студентите учеле од нив, а денеска тие учат од студентите.

Во толпата граѓани можеше да се забележат и доста транспаренти на албански јазик што значи дека солидарноста е голема и обединета против неправдата.

Имено, пред почетокот на студентскиот протест, на Филозофскиот факултет бил формиран „Професорски пленум“, а професорот Огнен Чемерски изјавил дека  ги поддржуваат активностите на студентите и оти немаат намера да прават сплетки во студентскиот протест.

Според неофицијални информации за во понеделник се подготвува уште еден протест пред Собрание, но оваа информација важи за неофицијална се додека не добиеме официјална од Студентскиот пленум.

Прочитајте и за:

(ФОТО) Студентите полека се собираат пред Влада, верниот пријател-кучето меѓу првите

Предлог-законот за високо образование помина на Собраниската комисија

Студентски Пленум: Наше оружје се зборовите, не насилството!