Полицијата во Косово го уапси поранешниот лидер на движењето „Самоопределување“ Албин Курти. Тој бил уапсен заедно со уште 90 лица во седиштето на движењето во Приштина. Непосредно пред тоа Курти зборувал на големиот митинг во центарот на главниот град.

На него тој се изјасни против создавањето на Здружението на српските општини во Косово. Создавањето на ова обединување беше договорено од страна на властите во Белград и Приштина за време на преговорите за нормализација со посредство на Брисел.

Курти го повика премиерот на Косово, Иса Мустафа да не го потпише договорот. На митигот зборувале и сегашниот лидер на „Самоопределување“ Имери, како и Рамуш Харадинај од Сојузот за иднината на Косово.

По митингот дојде до огромни тензии помеѓу демонстрантите и полицијата на улиците на градот.