Едно лице загина, а над 60 лица се повредени во тешка автобуска несреќа која се случила рано утрово на автопатот Ниш-Белград.

Инцидентот се случил во 04:10 часот, потврдиле од Министерството за внатрешни работи за новинската агенција „Танјуг“. Туристичкиот автобус ја пробил заштитната ограда на патот и се превртел.

Повредените патници биле префрлени во Итниот центар, МЛД, КБЦ Земун и Институтот за мајка и дете во Белград. Движењето не е блокирано, но е отежнато, соопштиле од српското МВР.

Според портпаролката на итна помош, Нада Мацура, меѓу 15 и 20 пациенти се потешко повредени. Во автобусот, кој се враќал од летен одмор во Грција патувале 86 лица. Меѓу патниците имало претежно семејства со мали деца.