Турскиот претседател Реџеп Таип Ердоган се појави денес во парламентот со специјален асистент, кој ги снима сите новинари и политичари околу лидерот, објавија светските медиуми. 

Целта на асистентот е да го заштити Ердоган од коронавирусот, чиј прв случај е потврден во Турција доцна синоќа. Апаратот со кој работи е термичка камера која ја проверува високата температура (еден од симптомите). 

„Ниту еден вирус не е посилен од нашите мерки“, рече Ердоган подоцна пред членовите на неговата владејачка Партија на правдата и развојот (АКП). 

Според неговите зборови, Турција презема соодветни мерки за справување со инфекцијата. 

Долго време, земјата беше место каде немаше случаи на коронавирус.