(ВИДЕО) ДЕЛОВИ ОД БУГАРИЈА СЕ ПОД ВОДА: Наврнаа и по 80 литри дожд на метар квадратен
Поплави има во соседна Бугарија. Во Велико Трново ситуацијата останува сериозна по обилните дождови кои донесоа над 80 литри на квадратен метар.
Прогласена е вонредна состојба, а има и евакуирани жители. Вонредна состојба е прогласена и во регионите на Велико Трново, Габрово, Горна Орјаховица и Драјново. Реката Јантра излегла од своето корито, што довело до евакуации. Затворени се патиштата кон Стара Загора и Габрово, бидејќи реката го поплави коловозот.
Бугарските власти засега соопштуваат дека нема информации за жртви, но штетите се значителни.
Најголемата опасност сега е водата што се влева од притоките на Јантра.
фото Struma News
Слично
Поврзани вести
