Во Австралија еден човек ја претвори својата навика за рециклирање во доживотен проект и го оствари својот сон да поседува свој дом. Дамијан Гордон поминал години собирајќи фрлени конзерви, не само чистејќи ја животната средина, туку и заштедувајќи пари за депозит.

Во изминатите седум години, 36-годишникот од Централниот брег на Нов Јужен Велс го посветил своето слободно време на собирање амбалажа од плажи, паркови и јавни простори. Она што започнало како начин за заработка на џепарлак, брзо се претворило во мисија што докажала дека дури и малите акции можат да доведат до големи резултати.

Во 2017 година, Гордон почнал да собира шишиња и конзерви како дел од програмата „Враќање и заработка“ на Австралија, која нуди поврат од 10 центи за секој погоден контејнер. На почетокот, тоа беше само дополнителен приход, но со текот на времето, конзервите се натрупуваа, а со нив и парите. До 2024 година, тој собрал повеќе од 450.000 парчиња амбалажа и заработил околу 46.000 австралиски долари (25.990 евра) - доволно за депозит за куќа со две спални соби.

Парите стоеле на неговата банкарска сметка сè додека не ја финансирал добитната понуда за имот што со љубов го нарекува „мала стара рибарска колиба“. Скромната крајбрежна куќа сега е негов дом, награда за неговото трпение и упорност.