Атинската општина Неа Смирни, недалеку од центарот на градот, синоќа беше сцена на жестоки судири меѓу демонстрантите и полицијата. Летаа камења, биле употребени запаливи бомби, солзавец, водени топови, полицаец беше ранет, избувнаа пожари, уништени автомобили, запалени дрвја ...

Τώρα στη Νέα Σμύρνη. Προσαγωγή ενός ατόμου στην διασταύρωση Ομήρου και Βενιζέλου, ενώ άνδρες της ομάδας Δράση επιτέθηκαν σε μια κοπέλα που ήταν σε απόσταση 5 μέτρων και στους δημοσιογράφους που κάλυπταν την προσαγωγήhttps://t.co/MG8Ei8XfAJ pic.twitter.com/57FtzD2Mqm

— NEWS 24/7 (@News247gr) March 9, 2021

Така изгледаше мирната општина, која прерасна во сцена на големо незадоволство на граѓаните во текот на денот, во демонстрациите против полициската репресија во која учествуваа над шест илјади луѓе, но кои подоцна беа вандализирани со учество на група од околу 700 „качулки“. Тие ја нападнале полицијата со камења и запаливи бомби, запалиле сè пред себе. За време на немирите, двајца полицајци се тешко повредени.

Целиот протест беше израз на незадоволство кај граѓаните на општина Неа Смирни заради инцидентот што се случи за време на викендот. Во тоа време, полициската патрола имала намера да ги казни луѓето што седеле тивко и им покажале дозвола за излез на улица, што е пропишано како дел од мерките за забрана за време на строгиот карантин поради пандемијата.

Едно момче кое се вмешало во спорот го извлекло „дебелиот крај“ затоа што патролата, според присутните граѓани, но и врз основа на видеа што ги преплавија локалните социјални мрежи, неоправдано употребила сила врз него - користејќи палки, удирајќи го кога веќе бил легнат на земјата.

«Τα πάρκα είναι για να γελάω και όχι για να πονάω»

- Χιλιάδες άνθρωποι πλημμύρισαν τους δρόμους της Νέας Σμύρνης στεκόμενοι απέναντι στην αστυνομική βαρβαρότητα και αυθαιρεσία pic.twitter.com/RMbitUsF31

— ThePressProject (@ThePressProject) March 9, 2021

Незадоволството на граѓаните од репресијата започна во понеделникот, особено по образложението дека полицијата „си ја работи својата работа“, но сега прераснува во протести кои се закануваат да се прошират на цела Атина. Фактот дека ангажманот на анархистичките групи е видлив во немирите е загрижувачки, бидејќи недалеку од местото на немирите, беа пронајдени подготвени запаливи бомби и стотици шишиња со бензин.