Во Друштвото за управување со доброволни пензиски фондови ВФП Пензиско друштво АД Скопје има промени во органите на управување, за што известуваат преку објава на Македонската берза.

- Согласно одредбите од член 166-Б став 1 алинеја 4, Друштвото за управување со доброволни пензиски фондови ВФП Пензиско друштво АД Скопје известува за следните промени во органот на управување: Агенцијата за супервизија на капитално финансирано пензиско осигурување донесе решение од 29.09.2022 година со кое се дава одобрување на изборот на г-дин Марио Ѓорѓиев за член на Управниот одбор на ВФП Пензиско друштво АД Скопје, на местото на дотогашниот член г-дин Гоце Новачевски. Новиот член на УО, г-дин Марио Ѓорѓиев ќе ја извршува функцијата Претседател на Управниот одбор на Друштвото до истекот на неговиот мандат - се вели во соопштението.

Притоа се додава дека „Врз основа на тоа, направена е промена во составот на Управниот одбор на ВФП Пензиско друштво АД Скопје во Централниот регистар на Р. Северна Македонија“.