Како што змијата ги крие нозете, така и надлежните очигледно ги кријат фактите.

Ова може да се заклучи од последното истражување на Призма поврзано со странските инвестиции во земјава.

Базата на податоци  „Странски инвестиции под лупа“ изработена од новинарскиот тим на БИРН Македонија открива дека од најавените странски инвестиции од речиси четири милијарди евра, инвестирани се само 570 милиони евра и дека странските инвеститори инвестирале седум пати помалку од најавеното и отвориле три пати помалку работни места отколку што ветиле

Струдијата опфатила 138 инвестиции што биле најавени или промовирани од Владата во период од 2007 до 2016 година. Тоа покажува дека дури 43 од најавените странски инвестиции воопшто не се реализирани или, пак, се пропаднати, што е речиси третина од вкупниот број инвестиции опфатени во базата.

Податоците што произлегоа од истражувањето на БИРН покажуваат дека само четири странски компании што инвестирале во земјава, вложиле толку пари колку што ветиле или дури и повеќе од тоа, а другите инвестирале значително помалку средства или воопшто не инвестирале.

Од 62.701 најавени вработувања, странските инвеститори вработиле 20.246 работници. Најмногу вработени има во Дрекслмајер, односно 5.507.