Веста за скопските земјотреси брзо се прошири во медиумите во регионот.

Белградски Блиц пишува за двата потреси од утрово кои се почувствувани и во околината на Скопје, при што Блиц потсетува и на катастрофалниот земјотрес од 1963 година.

„Три силни земјотреси во Скопје, почувствувани се во цела Србија“ - пишува Б92. Се наведува дека епицентарот бил на 7 км источно од Скопје.

Како што пренесува Ројтерс, паника имало меѓу граѓаните, а имало и пукнатини на згради.

И бугарската Нова тв пишува дека земјотресот од Македонија е почувствуван и кај нив. Нова тв пренесува дека граѓаните ги напуштаат домовите, а нема информации за жртви.

РТЦГ пренесува дека Скопје го погоди земјотрес од 5 степени. Пишуваат дека земјотерсот е на 40 км од границата со Србија и дека во одредени села нема струја.