Голем број поддржувачи на власта и на ГДОМ вечерва се на големиот собир пред Собранието.

Тие велат дека избори на 5 јуни мора да има, за да се излезе од политичката криза. Сметаат дека правото на глас е најмоќното и на граѓаните треба да им се даде можност да гласаат. Велат дека се на протест за одбрана на земјата. Од ГДОМ велат дека во услови кога Македонија има спортски сали, терени каде народот може да спортува, нема да дозволат некој да ја руши државата. Ги обвинуваат демонстрантите од „Протестирам“ дека ги уништувале спомениците.

Од ГДОМ бараат опозицијата да престане со деструктивните политики. Пред Собранието се вејат знамиња и се пејат патриотски песни.