Невработеноста бавно ќе се намалува, долгот на општата Влада ќе се зголемува. Македонија во регионот ќе испорача економски раст од 3,2 проценти. Ова се дел од прогнозите на Меѓународниот Монетраен Фонд, кој се дел од новиот Извештај за изгледите на светската економија. Генерално аналитичарите на ММФ за годинава предвидуваат позитивна стапка на раст, но со нешто пониска проекција во однос на јануарската.

Македонија: Оптимизам за економскиот раст, долгот во пораст

Според стапката на економски раст, во регионот пред Македонија е Косово, економија која годинава ќе има раст на БДП од 3,9 %, со тенденција тој да се зголемува во следните години и во 2019 та да достигне стапка од 4,5%. Косово 3,9% Албанија 2,1%

Црна Гора 2,8%

Србија 1,0% Турција 2,3% Македонија според проекциите на ММФ годинава ќе оствари раст од 3,2% што е за 0,2 процентни поени повеќе од јануарските проекции. Еве како ќе се движи растот на економијата според ММФ: 2014 3,2% 2015 3,4% 2019 4,0% Зад Македонија според економскиот раст заостануваат Србија, Бугарија, Босна и Црна Гора. Хрватската економија и натаму останува најранлива и во оваа 2014 та година со негативна стапка на БДП од -0,6%. Најбрзо темпо на раст во регионот се очекува од Србија, која во 2019 та година ќе испорача стапка на раст од 4% , исто како и Македонија. Невработеноста бавно ќе се намалува Во делот од Извештајот на ММФ посветен за Македонија се прогнозира бавно намалување на стапката на невработеност, така за годинава таа ќе изнесува 28,9% додека намалување под 26 проценти се очекува во 2017 та година. Според прогнозите на ММФ, долгот на општата Влада и натаму ќе расте. За годинава ММФ предвидува долг на општа влада од 35% од БДП, со тенденција на натамошен раст. Така во 2018 та година според ММФ долгот ќе достигне скоро 40% од БДП.

Според аналитичарите на ММФ годинава на глобално ниво се очекува раст на светската економија од 3,6%, при што позитивни стапки се очекува за моќните развиени економии. Еврозоната, по ланската рецесија од -0,5 сега се очекува да влезе во позитивна зона со стапка на раст од 1,2%.

„Глобалното закрепнување се очекува да зајакне, предводено од развиените економии. Растот на новите пазари и економии во развој да има поскромен придонес. За напредните економии се предвидува подобра перспектива, сепак важно е да се напомене дека ризиците остануваат, а тие се препознаваат во сеуште присутното општо забавување на новите пазари како и во пониските стапки на инфлација во однос на очекуваните во развиените економии. Дел од ризиците се лоцираат и во нецелосните реформи како и во зголемувањето на геополитичките тензии“ - пишува во извештајот на ММФ и се додава:

“Загрижувачкиот развој навестува надолни стапки на раст во некои од брзорастечките економии како Русија, Бразил , Јужна Африка и Турција кој се должи на внатрешните политички слабости, построгите внатрешни и надворешни услови“.

Годинава и догодина според ММФ, невработеноста ќе се намалува во еврозоната и во водечките светски економии Америка, Велика Британија и Јапонија.

И.Г.