Поранешниот белгски  преговарач, Питер Ванхауте смета дека решението за кризата во Македонија,  не е во бескрајни правни расправии во Парламентот или во уништување на остатоците од договорот од Пржино.

Тој вели дека треба да се престане со интерпретација на законот и Уставот, менување на законодавството за да се преправаат дека ги решаваат проблемите. Според него,  Владата треба да даде оставка со оглед на тоа дека е најмногу одговорна за актуелната ситуација.

„Секое решение започнува со волја за решавање на кризата. Во ситуацијата не е потребно повеќе театар, туку решенија“ - напиша на Фејсбук Ванхауте.

Според Ванхауте, треба да се формира експертска влада со цел да ја врати демократијата.

Тој наведува дека Иванов треба да ја повлече аболицијата, а СЈО да си ја врши својата работа без опструкции.