АД ЕСМ изминатото деноноќие произведе 6.519 мегават часови електрична енергија, а набави 3.160 мегават часови, соопшти Владата.

Во Термоелектраните се произведени 4.280 мегават часови, а во хидроелелектраните и во Ветерниот парк Богданци произведени се 2.239 мегават часови.

Според Владата, податоците се преземени од Диспечерскиот извештај на АД ЕСМ за 19.11.2022 година. 

Претходно беше посочено дека и Блок 1 во РЕК Битола од изутрината во 08.35 часот е вратен на мрежа и продолжи со производство на електрична енергија, по извршената санација во изминатите два дена.

Санирањето на пречките во делот на кондензаторот и на дел од цевководниот систем во постројката се изведе 24 часа порано од предвидениот рок и блокот е вклучен во редовно производство.

- Стручните служби и вработените во РЕК Битола кои беа вклучени во зафатот, покажаа исклучителна посветеност и непрестана работа на задачата, со цел и покрај амортизираната опрема и долгиот рок на работа на термоелектраната, за што пократко време да се отстрани застојот и блокот да се врати на мрежа, се наведува во соопштението.

РЕК Битола е во очекување да пристигне и трансформаторот за Блок 3 кој во моментот се превезува од Грција кон граничниот премин Меџитлија.