Вести во фокусот на Фактор ова утро ...

*

Акционерите на „Реплек“ имаат „основано сомнение“ и годинава да очекуваат пристоен износ на диведна на нивните банкарски сметки од акциите на „Реплек“. Компанијата за пола година има добивка од 850.000 евра, а особено е значајно тоа што расте во континуитет приходот од продажба на домашниот пазар и во странство

АД Македонски пошти како давател на универзална услуга во поштенскиот пазар во Македонија годишно губи по 100 вработени, иако не е децидно наведено за каков кадар станува збор.

Претпријатието кое има ексклузивно право над пратките до 50 грама, се додека не се либерализира целосно пазарот, во 2016 имало 2.343 вработени, една година потоа 2.244, а ланската година ја завршило со 2.141

Страшните шумски пожари ги привлекоа вниманието на социјалните мрежи, но што може да се преземе за конкретна заштита на шумите, како да се постигне општествена и политичка согласност дека одредена стратегија е неопходна за справување со последиците. Пожарите во Амазон предизвикаа глобален судир на идеологии додека пак пожарите во Македонија повторно ја наметнаа темата за средствата на противпожарната служба како и неопходноста од пошумување. Затоа правиме анализа со Стефан Василевски, управител на Конзервативната.мк

*

Ако нема нов закон, по 15 септември ќе има в.д. специјални обвинители

Ако нема договор меѓу власта и опозицијата и ако не помине Законот за јавно обвинителство со кој се решава и статусот на СЈО во Собрание, можно е на местото на обвинителите да се назначат в.д. обвинители со што се планира да не дојде до укинување на досегашните истраги. Ова е едно од сценаријата на владејачката партија за Законот за кој сега СДСМ и ВМРО-ДПМНЕ преку работните групи ги усогласуваат ставовите. За ваков исход брифираа висок извори од СДСМ иако истите велат дека раководството на партијата се надева оти двете партии ќе постигнат договор и Законот ќе помине во регуларна процедура на 10 септември кога е закажана и пленарна седница со ваква точка на дневен ред. Инаку СДСМ без ваков договор засега нема поддршка од две третини од пратениците и од партијата велат дека тешко би се обезбедила.