Собранискиот спикер Трајко Вељаноски утре точно напладне ќе ги распише предвремените парламентарни избори, откако Парламентот денеска едногласно донесе одлука да се самораспушти. Според најавите, изборите ќе се одржат на 27 април, заедно со вториот круг од претседателските избори.ДИК веќе алармираше дека во вакви услови има судир на роковите за изборната кампања - за време на изборниот молк за првиот круг од претседателските избори, веќе ќе трае кампањата за претседателските. Но, овие прашања ќе се решаваат во од. Освен ова, проблем можат да бидат финансиите. Првично определениот буџет за претседателските избори, ДИК веќе побара да се зголеми, а за организација на парламентарните избори ќе бидат потребни уште повеќе средства.