Седумнаесетата по ред „бомба“ на опозицијата , СДСМ утре ќе ја детонира од градот под Марковите Кули - Прилеп. Според најавите на оваа партија ќе бидат објавени наводни прислушувани разговори за локалните избори од 2013 и како што тврди Заев криминалот кој го правела власта во тој град. Како вчерашниот граѓански собир и марш кој го организираше СДСМ во Куманово се очекува и во Прилеп. Од Куманово Заев вчера го најави почетокот на „Македонската пролет“ за која рече дека долго е очекувана и дека тој на државата ќе и ја врати слободата и демократијата. Од граѓаните побара поддршка и ги повика на одлучност и решеност, како што истакна, да ја вратат слободата и демократијата, како и приликите во 21 век.