Уставниот суд обоен, за Гошева ова е притисок
Влезот на Уставниот суд утрово е обоен од претставници на „Шарената револуција“.
На ѕидот има графит на кој пишува „Протестирам“, а околу влезот на судот има балони.
Од Уставен рекоа дека ова е притисок и атак врз судот. Претседателката на Уставниот суд, Елена Гошева, ова го оцени како притисок врз судот и рече дека ваков притисок судот никогаш нема доживеано.
Уставниот суд денеска донесе времена мерка за запирање на сите изборни дејствија кои произлегуваат од оспорената одлука за распуштање на Собранието.
Со ова Уставниот суд ја отвори можноста, спикерот Трајко Вељаноски да го свика Собранието и да ја поништи одлуката за избори на 5 јуни.
Слично
Поврзани вести
