По осум месеци од поднесувањето на иницијативата за уставноста на СЈО,  Уставниот  суд реши да се произјасни за предметот, пренесува Телма.

Тој е веќе доделен кај судија известител, а можно е да се најде на дневен ред на седницата закажана за в среда. Од СЈО сметаат дека нема основа Законот да се прогласи за неуставен.

Произнесување на Уставниот суд за Законот за СЈО е едно од клучните барања на кое инсистира „Шарената револуција“ и опозицијата. „Шарената револуција“ ќе чека до 18-ти јуни Уставниот суд да се произнесе за уставноста на СЈО. Ако тоа не се случи кажаа дека  ќе ја земат правдата во свои раце и на свој начин.

Од СДСМ го повикаа Уставниот суд да престане да ги држи во заложништво судството и владеењето на правото и велат дека само на тој начин Договорот од Пржино може да преживее.