Како што потврди украинската државна енергетска компанија „Нафтогас“, Украина денеска за прв пат доби гас од Азербејџан преку Трансбалканскиот коридор.

Трансбалканскиот коридор ги поврзува Бугарија, Романија и Украина, заобиколувајќи ја Русија. Тој претставува алтернативна насока на транспорт на гас што ѝ овозможува на Украина да ги диверзифицира своите извори на снабдување по прекинувањето на соработката со рускиот Газпром и оштетувањето на енергетската инфраструктура за време на војната.

„За прв пат се спроведува пробна испорака на гас преку Трансбалканската рута, по коридорот Бугарија-Романија-Украина“, се вели во соопштението на Нафтогас.

Украинската компанија обезбеди испораки на гас според договор со азербејџанската државна компанија СОКАР.

Обемот на испорака не е прецизиран. Компанијата истакнува дека станува збор за помала количина, но стратешки значаен потег, објави Ројтерс.

„Ова е мала количина, но стратешки важен чекор што отвора простор за долгорочна соработка“, рече извршниот директор на Нафтогас, Серхиј Корецки.

foto freepik.com