Куповната моќ на Австријците пораснала.

Минатата година секој Австриец имал 277 евра повеќе во однос на претходната година или вкупно 20.646 евра.

Ако се земе во обзир инфлацијата тоа е за 9 евра месечно повеќе, покажува анализата на „RegioData" за куповна моќ.

Во споредба со другите европски земји, Австрија од 6 паднала на 8 место, а неа ја претекнаа Данска и Исланд.

На самиот врв е Швајцарија, која поради зајакнувањето на франкот се позиционираше пред Луксембург.

Просечната куповна моќ на Швајцарците е 39.000 евра, а на жителите на Луксембург е  33.000 евра.

Од покраините во Австрија, прва е Салцбург со куповна моќ од 21.378 евра.

Во Виена граѓаните имале куповна моќ од 20.908 евра, а тоа значи дека кај нив состојбата е иста како лани.