Уште еден грчки министер го отфрли предлогот „Илинденска“
Грчкиот министер за миграции Димитриос Вицас синоќа во интервју за телевизијата Скај го отфрли предлогот Република Илинденска Македонија, оценувајќи дека тој „не е толку на масата“ за преговори
Решение е можно само со географска или временска одредница, порача министерот Вицас кој е висок функционер на владејачката левичарска Сириза во Грција.
„Во суштина ова име (Илинденска, н.з.) не е толку на масата, работата е да се најде решение“, рече Вицас во интервјуто за Скај. Тој вели дека единствено добро во името „Република Илинденска Македонија“ е што луѓето во Грција почнале да учат историја.
Како позитивен во целиот преговарачки процес, Вицас го оценува и фактот дека Македонија го прифатила принципот „ерга омнес“, односно име за севкупна употреба.
Тој вели дека ставот на грчката влада е оти конечното решение за името на соседната држава треба да содржи географска или временска одредница.
Слично
Поврзани вести
