Вкупно 5.800 нови лекови за Ковид 19 од американскиот производител Ели Лили пристигнаа во Србија, вели директорката на Републичкиот фонд за здравствено осигурување (РЗЗЗ), Сања Радојевиќ Шкодриќ.

Таа на ТВ Прва рече дека специфичниот лек пристигнал во петокот за 1.800 пациенти, а вчера за уште 4.000 пациенти, додека следните количини пристигнуваат во текот на април и мај.

„Овие количини се доволни засега“, рече Шкодриќ, додавајќи дека веќе е дефиниран јасен протокол, со кој ќе управуваат експертите Горан Стевановиќ и Мијомир Пелемиш.

Таа објасни дека овој нов лек за пациенти болни од Ковид спречува натамошно врзување на вирусот со клетките и изјави дека неговата ефикасност е многу висока и изнесува 95 проценти.

„Има многу лекови од оваа група, но ние ги набавуваме само оние што покажаа најголема ефикасност“, рече Шкодриќ.